నాన్నగారి టైటిల్‌ను వాడుకుందాం... "జగదేకవీరుడు"గా చెర్రీ
మెగాస్టార్ చిరంజీవి నటించిన చిత్రం "జగదేకవీరుడు అతిలోకసుందరి". ఈ చిత్రం బ్లాక్‌బస్టర్ హిట్. అయితే, ఇపుడు ఆయన తనయుడు మెగా పవర్‌ స్టార్ రామ్ చరణ్ ఈ టైటిల్‌ను కాపీ కొట్టారు. బోయపాటి శ్రీను దర్శకత్వంలో తా
మెగాస్టార్ చిరంజీవి నటించిన చిత్రం "జగదేకవీరుడు అతిలోకసుందరి". ఈ చిత్రం బ్లాక్‌బస్టర్ హిట్. అయితే, ఇపుడు ఆయన తనయుడు మెగా పవర్‌ స్టార్ రామ్ చరణ్ ఈ టైటిల్‌ను కాపీ కొట్టారు. బోయపాటి శ్రీను దర్శకత్వంలో తాను నటిస్తున్న తాజా చిత్రం కోసం ఈ టైటిల్‌ను వాడుకోవాలని భావిస్తున్నారు.
నిజానికి "రంగస్థలం" వంటి భారీ హిట్ తర్వాత చెర్రీ తన ఫ్యామిలీతో కలిసి పారిస్‌లో ఎంజాయ్ చేస్తున్నారు. అదేసమయంలో దర్శకధీరుడు ఎస్.ఎస్. రాజమౌళితో మల్టీస్టారర్ చేస్తూనే.. మరోవైపు బోయపాటితో ఓ సినిమా చేసేందుకు అంగీకరించాడు. యాక్షన్ సినిమాలకు పెట్టింది పేరయిన బోయపాటి శ్రీను.. రామ్ చరణ్‌ను ఎలా చూపించబోతున్నారనే దానిపై మెగాభిమానుల్లో ఆసక్తి నెలకొంది.
ఈ పరిస్థితుల్లో ఈ చిత్రం టైటిల్‌పై అపుడే వివిధ రకాలైన ఊహాగానాలు వస్తున్నాయి. మెగాస్టార్ చిరంజీవికి భారీ హిట్ ఇచ్చిన 'జగదేక వీరుడు.. అతిలోక సుందరి' సినిమా నుంచి, ఈ సినిమాకి టైటిల్‌ను తీసుకున్నట్లు చెబుతున్నారు.
కథ మొత్తం రాయల్ ఫ్యామిలీకి సంబంధించినది కావడంతో నిర్మాతలు ఈ సినిమాకు 'రాజా మార్తాండ' అనే టైటిల్ పెట్టాలని భావించారట. కానీ, ఆ టైటిల్ కంటే... 'జగదేవక వీరుడు' అనే టైటిల్ అయితే సరిగ్గా ఉంటుందని భావించి ఆ టైటిల్‌ను ఖరారు చేయాలని భావిస్తున్నారట.
ఈ చిత్రంలో కైరా అద్వానీ హీరోయిన్‌గా నటిస్తుండగా, దేవిశ్రీ ప్రసాద్ సంగీతం అందిస్తున్నారు. మరోవైపు, మెగా ఫ్యామిలీ నుంచి హీరోగా ఎంట్రీ ఇస్తున్న చిరంజీవి అల్లుడు కల్యాణ్ దేవ్ కూడా మెగాస్టార్ సినిమా టైటిల్‌తోనే వస్తుండటం గమనార్హం.