'ఈ చిట్టిగాడి గుండెకాయను గోలెట్టించేసింది ఈ పిల్లేనండీ'... రంగస్థలం టీజర్
మెగా పవర్ స్టార్ రాంచరణ్, హీరోయిన్ సమంత జంటగా నటిస్తున్న చిత్రం రంగస్థలం. ఈ చిత్రం వచ్చే నెలలో విడుదల కానుంది. అయితే, ఈ చిత్రం టీజర్‌ను తాజాగా రిలీజ్ చేశారు. హీరోయిన్ సమంత పాత్రను పరిచయం చేస్తూ ఈ టీజర
మెగా పవర్ స్టార్ రాంచరణ్, హీరోయిన్ సమంత జంటగా నటిస్తున్న చిత్రం రంగస్థలం. ఈ చిత్రం వచ్చే నెలలో విడుదల కానుంది. అయితే, ఈ చిత్రం టీజర్‌ను తాజాగా రిలీజ్ చేశారు. హీరోయిన్ సమంత పాత్రను పరిచయం చేస్తూ ఈ టీజర్ మొదలైంది. సమంత పాత్ర గురించి చరణ్ పాత్ర చెబుతూ ఉండగా, ఆమె విజువల్స్‌పై ఈ టీజర్ కొనసాగింది. పల్లె పడుచులా సమంత బిందె చంకనబెట్టుకుని గోదావరి వైపు నడుస్తూ కనిపిస్తుంది.
ఇక... పల్లె పిల్లలా ఆమె తన పనులు చేసుకుంటూ ఉండగా, "ఓహోహో ఏం వయ్యారం.. ఏం వయ్యారం.. ఏ మాటకి ఆ మాట చెప్పుకోవాలిగానండీ.. ఈ పిల్లను చూస్తుంటే మా ఊరికే 18 సంవత్సరాల వయసు వచ్చినట్టు ఉంటదండీ. ఈ చిట్టిగాడి గుండెకాయను గోలెట్టించేసింది ఈ పిల్లేనండీ. పేరు రామలక్ష్మి అండీ.." ఊరు 'రంగస్థలం' అంటూ చరణ్ వాయిస్‌పై ఈ టీజర్ పూర్తయింది. ఈ చిత్రంలో సమంత పక్కా పల్లెటూరి పిల్ల పాత్రలో ఒదిగిపోయినట్టు కనిపిస్తోంది. ఈ చిత్రానికి సుకుమార్ దర్శకత్వం వహించగా, మైత్రీ మూవీ మేకర్స్ సంస్థ నిర్మించింది.