యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా దర్శకధీరుడు రాజమౌళి తెరకెక్కించిన మూవీ ఆర్ఆర్ఆర్ బాక్సాఫీస్ వద్ద రికార్డుల మోత మోగిస్తోంది.
భారీగా వసుళ్లను రాబట్టి బ్లాక్ బస్టర్ అనిపించుకుంది. ఈ సినిమాలో బాలీవుడ్ అగ్ర హీరో అజయ్ దేవ్‌గణ్, శ్రియ, అలియాభట్ ప్రధాన పాత్రల్లో నటించారు. ఈ సినిమాలో కథను మలుపు తిప్పే కీలక పాత్రలో మల్లి నటించింది. ఈమె చుట్టే కథ అంతా నడుస్తోంది.
ఆర్ఆర్ఆర్ సినిమా వసూళ్ల సునామీ సృష్టిస్తోంది. రామ్ చరణ్, జూనియర్ ఎన్టీఆర్‌తో రాజమౌళి సృష్టించిన ఈ సినిమా ప్రపంచవ్యాప్తంగా రూ.1,000 కోట్లను వసూలు చేసింది. ఇంత మొత్తంలో దంగల్, బాహుబలి 2 మాత్రమే వసూళ్లు చేశాయి.
ఈ రికార్డుతో ఆర్ఆర్ఆర్ మూవీ మూడో చిత్రంగా నిలిచింది. అందులో రెండు చిత్రాలు రాజమౌళివే ఉండడం విశేషం.
కొమరంభీం, అల్లూరి సీతారామరాజు పాత్రలను జూనియర్ ఎన్టీఆర్, రామ్ చరణ్ పోషించారు. నిర్మాత డీవీవీ దానయ్య రూ.450 కోట్లను ఈ సినిమా నిర్మాణం కోసం ఖర్చు చేశారు. మార్చి 25న ఈ సినిమా థియేటర్లలోకి రాగా 16 రోజుల్లోనే అధిక మొత్తంలో కలెక్షన్లు వసూలు చేసి రికార్డులు సృష్టిస్తోంది.