టాలీవుడ్ క్యూట్ కపుల్స్‌గా గుర్తింపు పొందిన నాగ చైతన్య, సమంతల వైవాహిక బంధానికి తెరపడింది. వారిద్దరూ విడిపోతున్నట్టు ఇటీవలే అధికారికంగా ప్రటించారు. ఈ వార్తలతో సినీ ప్రముఖులంతా ఒకింత షాక్‌కు గురయ్యారు. ఈ విడాకులపై పలువురు సెలెబ్రిటీలు పలు విధాలుగా స్పందిస్తున్నారు. అలాంటి వారిలో మాధవీలత ఒకరు. ఈమె సంచలన వ్యాఖ్యలు చేశారు. సమంతను డబ్బుకోసం వాడుకుని వదిలేశారంటూ మండిపడ్డారు. కనీసం తల్లిని కూడా కాకుండా చేశారనీ, కోట్లు, సంపాదిస్తే పాకెట్ మనీకి డబ్బులు కూడా ఇవ్వలేదంటూ ఆరోపించారు.
సమంత చాలా మంచి మనిషి అని అన్నారు. ఆమె క్రిస్టియన్ మతంలో జన్మించినప్పటికీ.. హిందూ దేవుళ్లను ఎన్నడు కూడా తక్కువచేసి చూడలేదన్నారు. ముఖ్యంగా, తిరుమల వంటి ప్రఖ్యాత హిందూ ఆలయాలకు ఆమె వెళ్లి దర్శనం చేసుకున్నారని బీజేపీ మహిళా నేత అయిన మాధవీలత చెప్పుకొచ్చారు. అంతేకాకుండా, సమంత తన 30 యేళ్ళ వయస్సులో తల్లికావాలని భావించిందనీ, కానీ అందుకు కొందరు అంగీకరించలేదన్నారు. అందుకే సమంతను ఒక ఏటీఎం యంత్రంగానే భావించారని అందుకే ఇలా జరిగిందని మాధవీలత అన్నారు.