ఏసీ జిమ్‌లో నాగచైతన్య - సమంతకు చెమటలు.. ఏం చేశారో ఈ వీడియో చూండండి

ఓవైపు ఏసీ జిమ్. మరోవైపు చెమట్లు కారిపోయేలా కుస్తీ. ఇది త్వరలో పెళ్లి పీటలెక్కనున్న హీరో, హీరోయిన్ సమంత చేసిన వ్యాయామాలు. దీనికి సంబంధించిన వీడియోను సోషల్ మీడియాలో లీక్ చేయొద్దంటూ చైతూ మొత్తుకున్నప్పటి

ఓవైపు ఏసీ జిమ్. మరోవైపు చెమట్లు కారిపోయేలా కుస్తీ. ఇది త్వరలో పెళ్లి పీటలెక్కనున్న హీరో, హీరోయిన్ సమంత చేసిన వ్యాయామాలు. దీనికి సంబంధించిన వీడియోను సోషల్ మీడియాలో లీక్ చేయొద్దంటూ చైతూ మొత్తుకున్నప్పటికీ.. సమంత మాత్రం పట్టించుకోలేదు. ప్లీజ్.. చైతూ.. ఇదొక్కటే.. ఈ ఒక్కసారికేనంటూ కాకాపట్టి.. ఆ వీడియోను తన ఇన్‌స్టాగ్రామ్‌లో పోస్ట్ చేసింది. ఇది ఇపుడు వైరల్‌గా మారింది. 

ఇటీవల నాగచైతన్య, సమంత ఇద్దరూ కలిసి వ్యాయామశాలకు వెళ్లారు. అక్కడ చాలా ఫీట్లే చేశారు. ఆ సమయంలో ఫోటోలు, వీడియోలు తీశారు. దీనికి సంబంధించిన ఫోటో, వీడియోలు సమంత ఇప్పటికే సోషల్ మీడియాలో పోస్ట్ చేసేసింది. అయితే తాజాగా జిమ్‌లో చైతన్య వర్కవుట్‌కు సంబంధించిన వీడియోను కూడా పోస్ట్ చేసింది. 

సాధారణంగా తనకు సంబంధించిన ఫోటోలు కానీ, వీడియోలు కానీ బయటకు రావడానికి ఇష్టపడని చైతూ.. ఈ వీడియోను సోషల్ మీడియాలో పోస్ట్ చేయడానికి తొలుత ససేమిరా అన్నాడట. అయితే సమంత మాత్రం చైతును చాలా బలవంతం చేసి, బతిమాలి చివరికి ఒప్పించిందట. 

చైతన్య ఒప్పుకోవడమే ఆలస్యం.. తాను, చైతన్య జిమ్‌లో చేసిన వర్కవుట్‌కు సంబంధించి రెండు వీడియోలను ఇన్‌స్టాగ్రామ్‌లో పోస్ట్ చేసేసింది. ఈ వీడియోల్లో చైతన్య 161 కేజీల బరువును ఎత్తగా, సమంత 90 కేజీల బరువును ఎత్తేసింది. ఏదేమైనా ఫిట్‌నెస్ కోసం ఈ లవ్లీ కపుల్ చాలానే కష్టపడుతోందని చెప్పాలి.