సమంత తాజాగా పుష్ప సినిమాలో స్పెషల్ సాంగ్ చేస్తోంది. ఈ పాట సోవారంతో పూర్త‌యింది. అందుకే చిత్ర యూనిట్ ఓ పోస్ట‌ర్‌ను విడుదల చేసింది. ఇది ఐటం సాగ్ కాద‌నీ, స్పెషల్ సాంగ్ అని చిత్ర యూనిట్ చెబుతోంది. మ‌రి సినిమాలో చూసేవ‌ర‌కు ఆమె ఏ త‌ర‌హా పాట చేసిందో తెలియ‌దు. కాబ‌ట్టి సమంత మామూలు పిక్‌ను విడుదల చేసింది.
ఇందులో ఐకాన్ స్టార్ అల్లు అర్జున్‌తో స్టార్ హీరోయిన్ సమంత కాలు కదపనున్నారు. పుష్ప లో 5వ పాట మరింత స్పెషల్‌గా ఉండబోతుంది. సమంత గారి ఎంట్రీతో ఆ పాట మరింత స్పెషల్ అయిపోయింది అంటూ చిత్ర యూనిట్ అధికారిక పోస్టర్ విడుదల చేసారు. కెరీర్‌లో మొదటి సారి స్పెషల్ సాంగ్ చేయబోతున్నారు సమంత. ఈ సినిమాలో ప్రతినాయకుడిగా జాతీయ అవార్డు గ్ర‌హిత, మ‌ళ‌యాలీ స్టార్ హీరో ఫహాద్ ఫాజిల్ నటిస్తున్నారు. సినిమాకు సంబంధించిన మరిన్ని వివరాలు త్వరలోనే తెలియజేయనున్నారు చిత్రయూనిట్.
ఇప్పటికే విడుదలైన ఫస్ట్ లుక్, టీజర్, దాక్కో దాక్కో మేక, రష్మిక మందన శ్రీవల్లి, సామి సామి పాటలకు మంచి రెస్పాన్స్ వచ్చింది. ఇక నవంబర్ 19న 'ఏయ్ బిడ్డా ఇది నా అడ్డా' అంటూ సాగే నాలుగో సింగిల్‌ విడుదల కానుంది. తాజాగా ఈ సినిమా నుంచి మరో అప్‌డేట్ వచ్చింది.