పల్లెటూరి కథా నేపథ్యంలో, అందమైన కుటుంబ కథా చిత్రంగా శతమానం భవతి తెరకెక్కుతోంది. వేగేశ్న సతీష్ దర్శకత్వంలో రూపుదిద్దుకుంటున్న ఈ సినిమాలో శర్వానంద్, అనుపమ పరమేశ్వరన్ జంటగా నటిస్తున్నారు. శ్రీ వెంకటేశ్వర
పల్లెటూరి కథా నేపథ్యంలో, అందమైన కుటుంబ కథా చిత్రంగా శతమానం భవతి తెరకెక్కుతోంది. వేగేశ్న సతీష్ దర్శకత్వంలో రూపుదిద్దుకుంటున్న ఈ సినిమాలో శర్వానంద్, అనుపమ పరమేశ్వరన్ జంటగా నటిస్తున్నారు. శ్రీ వెంకటేశ్వర క్రియేషన్స్ పతాకంపై దిల్‌రాజు, శిరీష్ నిర్మిస్తున్నారు. సెన్సార్ కార్యక్రమాలు పూర్తయ్యాయి. సంక్రాంతి కానుకగా చిత్రాన్ని విడుదల చేయనున్నారు.
ఈ సందర్భంగా నిర్మాతలు చిత్ర విశేషాలు తెలియజేస్తూ గ్రామీణ నేపథ్యంలో సాగే మూడు తరాల కథ ఇది. తాతా మనవళ్ల మధ్య ఉండే అనుబంధాన్ని కొత్త పంథాలో ఆవిష్కరిస్తుంది. కలిసి ఉంటే కలదుసుఖమని నమ్మే ఓ కుటుంబం కథతో అర్థవంతంగా సాగేచిత్రమిదన్నారు.
ఉమ్మడి కుటుంబాల గొప్పతనాన్ని దర్శకుడు సతీష్ సినిమాలో హృద్యంగా ఆవిష్కరించారు. పల్లెటూరి మధురజ్ఞాపకాల్ని ప్రతి ఒక్కరికి గుర్తుకుతెస్తుంది. మిక్కీ.జే.మేయర్ స్వరాలకు చక్కటి స్పందన లభిస్తోంది. శర్వానంద్ కథానాయకుడిగా నటిస్తున్న 25వ చిత్రమిదని వెల్లడించారు. ప్రకాష్‌రాజ్, జయసుధ, ఇంద్రజ ప్రధాన పాత్రల్లో నటిస్తున్న ఈ చిత్రానికి ఎడిటింగ్: మధు, సినిమాటోగ్రఫీ: సమీర్‌రెడ్డి.