బాలీవుడ్ హీరో సోనూసూద్‌కు ఓ కోర్టు అరెస్ట్ వారెంట్ జారీచేసినట్టు సోషల్ మీడియాలో వార్తలు వచ్చాయి. వీటిపై ఆయన స్పందించారు. ఆ వార్తలు పూర్తిగా అబద్ధమని ఆయన చెప్పారు. సోషల్ మీడియా వేదికగా ఈ అంశాన్ని కావాలనే సెన్సేషనల్ చేస్తున్నారని తెలిపారు. తనకు సంబంధం లేని వేరే అంశంలో సాక్ష్యం చెప్పేందుకు కోర్టు తనను పిలిచినట్టు ఆయన క్లారిటీ ఇచ్చారు. ఇదే ఆంశంపై ఆయన తన ఎక్స్ ఖాతాలో ఓ పోస్ట్ చేశారు.
"నాకు ఎటువంటి సంబంధం లేని మూడో పక్షానికి సంబంధించిన కేసులో న్యాయస్థానం నన్ను సాక్షిగా సమన్లు జారీచేసింది. అందుకు మా న్యాయవాదులు స్పందించారు. ఈ కేసులో దేనికీ నేను బ్రాండ్ అంబాసిడర్‌ను కాదు. మాకు ఏ విధంగాను సంబంధఁ లేదు. సెలెబ్రిటీలు ఇలా అనవసర విషయాలకు లక్ష్యాలుగా మారడం విచారకరం. పబ్లిసిటీ కోసం నా పేరును వాడుతున్నారు. ఆ విషయంలో కఠిన చర్యలు తీసుకుంటాం" అని సోనూ సూద్ ట్వీట్ చేశారు.
కాగా, ఓ కేసులో వాంగ్మూలం నమోదు చేసేందుకు హాజరుకాకపోవడంతో సోనూ సూద్‌పై పంజాబ్‌లోని లుథియానా కోర్టు ఆయనకు అరెస్ట్ వారెంట్ జారీచేసినట్టు సోషల్ మీడియాలో ఓ వార్త వైరల్ అయిన విషయం తెల్సిందే.