బాహుబలి 2తో ఇండియన్ ఫిలిమ్ ఇండస్ట్రీ రికార్డులను బద్ధలు కొట్టేసిన దర్శకుడు ఎస్ఎస్ రాజమౌళి ప్రస్తుతం లండన్ పర్యటనలో వున్నారు. ఐతే అక్కడ కూడా ఆయన్ను ఊపిరాడనివ్వడంలేదు ఆయన ఫ్యాన్స్. అనేక ప్రశ్నలు సంధిస్తూ సమాధానాలు రాబడుతున్నారు. ఇపుడున్న హీరోహీరోయిన్లల
బాహుబలి 2తో ఇండియన్ ఫిలిమ్ ఇండస్ట్రీ రికార్డులను బద్ధలు కొట్టేసిన దర్శకుడు ఎస్ఎస్ రాజమౌళి ప్రస్తుతం లండన్ పర్యటనలో వున్నారు. ఐతే అక్కడ కూడా ఆయన్ను ఊపిరాడనివ్వడంలేదు ఆయన ఫ్యాన్స్. అనేక ప్రశ్నలు సంధిస్తూ సమాధానాలు రాబడుతున్నారు. ఇపుడున్న హీరోహీరోయిన్లలో ఎవరంటే మీకు ఇష్టం అని అడుగ్గా.... ఏమాత్రం తడుముకోకుండా అనుష్క, తారక్(జూ.ఎన్టీఆర్) తర్వాతే ఎవరయినా అని చెప్పారు.
జూనియర్ ఎన్టీఆర్ అంటే తనకు ఓ హీరోగానే కాదు... మంచి మిత్రుడు కూడా అని చెప్పారు. ఇక అనుష్క విషయానికి వస్తే ఆమె నటనలో చూపే కమిట్మెంట్ అద్భుతంగా వుంటుందన్నారు. నటిగా ఆమె కష్టపడే తీరు చూసినప్పుడు వాటే డెడికేటెడ్ పర్సనాలిటి అనిపిస్తుందని చెప్పుకొచ్చారు.
తన తదుపరి ప్రాజెక్టులు సైన్స్ ఫిక్షన్... గట్రా ఏమీ కాదనీ, దాదాపు ఎక్కువగా హిస్టారికల్ పిక్చర్స్ తీయాలనుకుంటున్నట్లు చెప్పారు. శ్రీకృష్ణదేవరాయలు, శివాజీ, మహాభారతం... ఇలాంటివాటిపైన తన దృష్టి వున్నట్లు చెప్పుకొచ్చారు. మొత్తమ్మీద నెక్ట్స్ ప్రాజెక్ట్ మళ్లీ రాజులనే చూపించేట్లు వున్నారు రాజమౌళి.