తమిళ హీరో శరత్ కుమార్ కుమార్తె, సినీ నటి వరలక్ష్మి శరత్ కుమార్ కిడ్నాప్ అయింది. ఆమెను తాళ్లతో కట్టేసి.. నోటికి గుడ్డ కట్టి... కిడ్నాప్ చేసినట్టు సమాచారం. దీనికి సంబంధించిన ఓ ఫోటో ఒకటి సోషల్ మీడియాలో వ
తమిళ హీరో శరత్ కుమార్ కుమార్తె, సినీ నటి వరలక్ష్మి శరత్ కుమార్ కిడ్నాప్ అయింది. ఆమెను తాళ్లతో కట్టేసి.. నోటికి గుడ్డ కట్టి... కిడ్నాప్ చేసినట్టు సమాచారం. దీనికి సంబంధించిన ఓ ఫోటో ఒకటి సోషల్ మీడియాలో వైరల్ అయింది. దీంతో కోలీవుడ్ బిత్తరపోయింది. ఈ పోస్టులు చూసి చాలామంది నటీనటులు, ఫ్యాన్స్ కంగారు పడి ఆమెకి ఫోన్లు చేయడం మొదలుపెట్టారు.
ఈ మొత్తం వ్యవహారంపై స్పందించిన వరలక్ష్మి, తాను కిడ్నాప్‌కి గురికాలేదని క్షేమంగానే వున్నానని తెలిపింది. ఇదంతా తన కొత్త సినిమా ప్రమోషన్‌లో భాగంగా జరిగిందంటూ ఒక్కముక్కలో తేల్చేసింది. ప్రస్తుతం ఢిల్లీలోవున్న తనకు ఇదంతా తెలియదని తన ట్విట్టర్ రాసుకొచ్చింది. ఆ ఫోటో వలన కలిగిన అవాంతరానికి సారీ అంటూ ట్వీట్ చేసింది. జరిగిన అసౌకర్యానికి క్షమించాల్సిందిగా ఆమె కోరింది.