చియాన్ విక్రమ్ తాజా చిత్రం "తంగలాన్". పా.రంజిత్ దర్శకత్వం వహించారు. కోలీవుడ్ బడా నిర్మాత కేఈ జ్ఞానవేల్ రాజా భారీ బడ్జెట్‌తో నిర్మించారు. కోలాల్ బంగారు గనుల్లో పని చేసిన తమిళ కూలీల నేపథ్యంలో ఈ చిత్రం కథ సాగుతుంది. ఇప్పటికే చిత్రీకరణ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ నిర్మాణ పనులను జరుపుకుంటుంది. మాలీవుడ్ భామ మాళవిక మోహనన్ హీరోయిన్.
ఈ నేపథ్యంలో ఈ చిత్రం విడుదల తేదీన చిత్రం బృందం శుక్రవారం ఆధికారికంగా వెల్లడించింది. వచ్చే యేడాది జనవరి 26వ తేదీన భారత గణతంత్ర వేడుకల సందర్భంగా చిత్రాన్ని విడుదల చేయనున్నట్టు ఓ పోస్టర్ ద్వారా అధికారింకగా వెల్లడించారు. జీవీ ప్రకాష్ కుమార్ సంగీతం అందించే ఈ చిత్రం నిజానికి సంక్రాంతికి వస్తుందని ప్రతి ఒక్కరూ భావించారు. కానీ, జనవరి 26వ తేదీన విడుదల చేస్తున్నట్టు చిత్రం బృందం అధికారికంగా వెల్లడించింది. ఈ చిత్రం తమిళం, తెలుగు, మలయాళం, కన్నడ, హిందీ భాషల్లో విడుదలకానుంది.