పాము అంటేనే ఆమడదూరం పారిపోతారు చాలామంది. కానీ పాముకు ఓ యువకుడు సబ్బేసి మరీ స్నానం చేయించాడు. దీనికి సంబంధించిన వీడియో ప్రస్తుతం నెట్టింట వైరల్ అవుతోంది. సాధారణంగా ఇంట్లోకి పాము వస్తే జనాలు పరుగులు తీస్తారు. లేకుంటే దాన్ని కొట్టి చంపేస్తుంటారు.
ఈ నేపథ్యంలో ఓ యువకుడు భుజంపై వేసుకునే టవల్‌ను ఉతికే తరహాలో.. తాను ఆశగా పెంచుకునే పామును సబ్బేసి మరీ స్నానం చేయించాడు. సబ్బు నురగ బాగా వచ్చేంతవరకు దాన్ని కడిగి మరీ శుభ్రం చేశాడు. అది నాగుపాము అయినా ఆ యువకుడు ఏమాత్రం జడుసుకోకుండా దానికి స్నానం చేయించాడు. ఈ వీడియో ప్రస్తుతం నెట్టింట వైరల్ అవుతోంది.