శామ్‌సంగ్ నుంచి శామ్‌సంగ్ గెలాక్సీ ఏ8ఎస్ విడుదలైంది. చైనాలో విడుదలైన ఈ స్మార్ట్‌ఫోన్ ఇన్ఫినిటీ-ఓ డిస్‌ప్లేతో కూడుకున్నది. ఈ స్మార్ట్ ఫోన్‌ను చైనీస్ ఆన్‌లైన్ రీటైలర్ జేడీడాట్‌కామ్ ద్వారా బుక్ చేసుకోవచ్చు. 6జీబీ రామ్‌ను కలిగివుండే ఈ ఫోనును పొందేందుకు ప్రీ-ఆర్డర్స్ చేసుకునే వెసులుబాటు కల్పించినట్లు శామ్‌సంగ్ వెల్లడించింది.
శామ్‌సంగ్ గెలాక్సీ ఏ8ఎస్ ధర రూ.30,500 పలుకుతోంది. ఇది 6జీబీ రామ్, 128 జీబీ స్టోరేజ్ వేరియంట్‌ను కలిగివుంటుంది. చైనాలో శామ్‌సంగ్ ఈ నెలలో విడుదల చేసిన ఈ స్మార్ట్‌ఫోన్ బ్లాక్ (గ్రీన్) బ్లూ, సిల్వర్ రంగుల్లో లభ్యమవుతుందని శామ్‌సంగ్ వెల్లడించింది.