చొప్పదండిలో కాంగ్రెస్ అభ్యర్థి విజయం .. సత్యంకు ఫోన్ చేసి చెప్పిన లగడపాటి

తెలంగాణ ఎన్నికల్లో అభ్యర్థుల మధ్య తీవ్రమైన పోటీ నెలకొంది. దీంతో అభ్యర్థులు హోరాహోరీగా ప్రచారం చేస్తున్నారు. ఎన్నికల్లో గెలుపుకోసం సర్వశక్తులూ ఒడ్డుతున్నారు. ఈ నేపథ్యంలో సర్వే కింగ్‌, ఆంధ్రా ఆక్టోపస్‌గా గుర్తింపు పొందిన మాజీ ఎంపీ లగడపాటి రాజగోపాల్ ఇప్పటికే తెలంగాణ రాష్ట్ర ఎన్నికల ఫలితాలు ఎలా ఉంటాయన్న దానిపై ఒక క్లారిటీ ఇచ్చారు. 

ఈ ఎన్నికల్లో స్వతంత్ర అభ్యర్థులు 10 మంది వరకు గెలుస్తారని ప్రకటించారు. ఈ ఇద్దరూ కాంగ్రెస్ రెబల్ అభ్యర్థులు కావడం గమనార్హం. ఈ నేపథ్యంలో కరీంనగర్ జిల్లా చొప్పదండిలో కాంగ్రెస్ అభ్యర్థిగా మేడిపల్లి సత్యం పోటీ చేస్తున్నారు. ఈయనకు లగడపాటి రాజగోపాల్ స్వయంగా ఫోన్ చేసి అభినందించారు. చిన్న వయసులోనే పెద్ద ఫాలోయింగ్ సంపాదించావు.. ప్రజల గుండెల్లో గూడుకట్టుకున్నావు.. ఇది ఎలా సాధ్యమైందంటూ అడిగారు. 

పైగా, ఈ ఎన్నికల్లో ఆయనకు ఎన్ని ఓట్లు వస్తాయి.. ఫలితాలు ఎలా ఉంటాయన్న దానిపై సత్యంకు లగడపాటి వివరించారట. దీంతో ఉబ్బితబ్బిబ్బయి సత్యం.. తాను విద్యార్థి ఉద్యమం నుంచి ప్రస్తుత స్థితికి ఎలా చేరుకున్నది లగడపాటికి వివరించారట.