పవర్ స్టార్ పవన్ కళ్యాణ్ నటించిన `వకీల్ సాబ్` సినిమా శుక్రవారం ప్రేక్షకుల ముందుకు వచ్చింది. శ్రీరామ్ వేణు దర్శకత్వం వహించిన ఈ చిత్రాన్ని దిల్ రాజు-శిరీష్ , బోనీ కపూర్ కలిసి నిర్మించారు. పింక్ రీమేక్ గా వ‌చ్చిన ఈ సినిమాపై క్రిటిక్స్ ప్ర‌శంస‌లు కురిపించిన సంగ‌తి తెలిసిందే.
పవన్ దాదాపు మూడేళ్ళ తర్వాత ఒక పవర్ ఫుల్ కథ ఉన్న సినిమాలో న‌టించ‌డంతో అభిమానులు సంబరాలు చేసుకుంటున్నారు. ఈ సినిమా వీక్షించిన మెగాస్టార్ చిరంజీవి ట్విట్ట‌ర్ ద్వారా అభినందనలు తెలిపారు
శ‌నివారంనాడు మెగాస్టార్ చిరంజీవిని జూబ్లీహిల్స్ లోని ఆయ‌న స్వ‌గృహంలో వకీల్ సాబ్ నిర్మాత దిల్ రాజు, ద‌ర్శ‌కుడు వేణు శ్రీరామ్ క‌లిసారు. ఈ సంద‌ర్భంగా మెగాస్టార్ చిరంజీవి ఆ ఇద్ద‌రికీ పుష్ప‌గుచ్ఛాలు అందించి విజ‌యం సాధించినందుకు శుభాకాంక్ష‌లు తెలిపారు. ఈ సంద‌ర్భంగా వకీల్ సాబ్ ని ప్ర‌శంసించి బ్లెస్ చేసినందుకు ద‌ర్శ‌క‌నిర్మాత‌లు మెగాస్టార్ చిరంజీవికి కృత‌జ్ఞ‌త‌లు తెలిపారు.