నాని హీరోగా నటించి గత గురువారం విడుదలైన చిత్రం ఎంసీఏ (మిడిల్ క్లాస్ అబ్బాయి). సాయిపల్లవి కథానాయికగా నటించిన ఈ సినిమాలో, భూమిక కీలకమైన పాత్రను పోషించింది.
నాని హీరోగా నటించి గత గురువారం విడుదలైన చిత్రం ఎంసీఏ (మిడిల్ క్లాస్ అబ్బాయి). సాయిపల్లవి కథానాయికగా నటించిన ఈ సినిమాలో, భూమిక కీలకమైన పాత్రను పోషించింది. నాని.. సాయిపల్లవికి గల క్రేజ్ కారణంగా ఈ సినిమా, తొలి రోజున భారీ ఓపెనింగ్స్‌ను సాధించింది.
అయితే, ఈ చిత్రం విడుదలైన రాత్రికే ఫేస్బుక్లో ఫుల్ మూవీ దర్శనమిచ్చింది. ఈ సినిమాను సాయి చరణ్ అనే వ్యక్తి ఫేస్బుక్లో పెట్టాడు. సినిమాను ఫేస్బుక్లో పోస్ట్ చేయటంతో కలెక్షన్లపై భారీ ప్రభావం పడుతుందని చిత్ర యూనిట్ భావిస్తోంది. దీంతో ఈ సంఘటనపై పోలీసులకు ఫిర్యాదు చేయడం జరిగింది. అలాగే, సినిమా రిలీజ్‌కు ముందే పైరసీ జరిగిందంటూ వార్తలు రావటంతో నిర్మాత దిల్ రాజు సైబర్ క్రైమ్ పోలీసులకు ఫిర్యాదు చేశాడు.
మరోవైపు, ఈ చిత్రం కలెక్షన్లపరంగా దుమ్మురేపుతోంది. తొలి రోజున తెలుగు రాష్ట్రాల్లో రూ.11 కోట్లను రాబట్టిన ఈ సినిమా, ప్రపంచ వ్యాప్తంగా రూ.15 కోట్లకి పైగా వసూలు చేసింది. అమెరికా, ఆస్ట్రేలియా, ఇతర దేశాల్లోనూ ఈ సినిమా వసూళ్లు పెరుగుతూ పోతుండటం విశేషం. ఆస్ట్రేలియా బాక్సాఫీస్ చార్టులో ఈ సినిమా 12వ స్థానంలో నిలిచిందని చిత్ర యూనిట్ చెపుతోంది.